Hannes Boy Café

Í gærkveldi var veisla í hinum splunkunýja og glæsilega veitingastað Hannes Boy Café. Þar voru samankomnir starfsmenn Rauðku ehf, starfsmenn verktaka og fleiri boðsgestir.

Takið var á móti gestum með vínglasi og léttari veigum. Gestirnir skoðuðu hinn glæsilega veitingastað og húsgögnin sem voru í sérflokki, smíðuð í Mexico .

 Síðan bauð verkefnastjórinn Finnur Yngvi Kristinsson gestum til sætis. Róbert Guðfinnsson aðaleigandinn og driffjöðrin hjá Rauðku og co flutti stutt ávarp og þar á eftir borinn fram matur. Ljúffeng humarsúpa og meðlæti, hvítvín og síðar rauðvín með þaðan af ljúffengara nautakjöti, og kaffi og fleira á eftir.

Myndir sem hér eru sýna þeim sem fjarri eru, húskynninn og veislugesti, auk mynda frá deginum í dag.