Héðinsfjarðargöng,lausnin fundin.

Eins og flestir vita, þá hefur geisi mikill vatnsflaumur verið Ólafsfjarðarmegin í Héðinsfjarðargöngum til vandræða. Það hefur ekki gengið mjög ylla að beisla vatnselginn sem þar er, það er að koma honum í falið ræsi.

Nú hafa Háfellsmenn fundið frábæra lausn sem Vegagerðin hefur samþykkt.
Búið er að kaup sérstakan þvottabúnað frá Bandaríska fyrirtækinu Econocraft  sem sérhæfir sig í búnaði til bílaþvotta án bursta.

Búnaður þessi er háþrýstibúnaður sem sérstaklega er hannaður til bílþvotta.

Gerð verður djúpur skurður nærri munnanum Ólafsfjarðamegin þar sem vatnselgurinn úr göngunum mun renna um. Þar verður komið fyrir mjög öflugum háþrýstidælum sem dæla til þriggja „kraga“ með tugum  úðastúta, úða verður stöðugt dælt um þessa stúta sem dreifðir eru um „kragana“ og allir bílar sem um göngin fara fá þar í leiðinni ókeypis bílaþvott.

Það fer svo eftir hraða bílanna í gegn hversu rækilega hver bíll verður þveginn, en miðað er við að bílstjórar hægi á ferðinni svona niður í 10 km klst. meðan ekið er um þvottasvæðið sem verður stöðugt í gangi. Þarna verður um algjörlega sjálfvirkan þvott t að ræða.
Ef bílar eru mjög óhreinir verða þeir að fara hægar.
Sérstakur búnaður þessu tengdur verður einnig í gólfi ganganna til að þvo undirvagn bifreiðanna. Vatnið mun svo renna eftir gangagólfinu að gangamunna þar sem því verður veitt til hliðar.

Meðfylgjandi myndir af sambærilegum búnaði fengum við hjá Samgönguráðherra Kristjáni Möller sem er yfir sig hrifinn af hugmyndinni og íhugar að veita þeim sem kom fyrst með hugmyndina sérstaka viðurkenningu.

Nafn viðkomandi verður birt þegar búnaðurinn verður tekinn í gagnið, samhliða opnun ganganna næstkomandi septembermánaðar. Þeir sem vilja skoða ofannefndan búnað, þá er áætlað að flutningabifreið komi með búnaðinn um hádegisbilið í dag á platta sem verður losaður niðri á Hafnarbryggju, en gæti þó verið að farið verði með plattann strax inn í Ákavíti þar sem Háfellsmenn eru með aðstöðu til geymslu á fyrirferðarmiklum hlutum tilheyrandi göngunum.