Knattspyrnuskóli Grétars

Knattspyrnuskóli Grétars Rafns Steinssonar verður haldinn í þriðja sinn nú í sumar hér í Siglufirði, ráðgert er að skólinn verði frá 14. júní til 18. júní. 


Líkt og undanfarin ár verða þjálfarar frá knattspyrnuakademíunni hjá Bolton Wanderes og fleiri góðir gestir munu mæta á svæðið, svo sem Þorlákur Árnason landsliðsþjálfari U17 kvenna og  Sandra Sigurðardóttir markvörður Stjörnunnar og íslenska A-landsliðsins.

Grétar Rafn Steinsson

Þátttökualdur í skólann eru þeir sem fæddir eru á árinu 2001 til þeirra sem fæddir eru á árinu 1992.

Líkt og undanfarin ár verður lögð áhersla á fjölbreyttar æfingar, hollt mataræði, hvað hægt er að gera til að verða atvinnumaður í knattspyrnu og hvað þarf til. Gisting verður að Hóli fyrir þá sem það vilja meðan húsrúm leyfir en nemendur verða að sjá sjálfir um kvöldmat (við reynum að ná hagstæðum samningum við veitingarhús bæjarins).

Tveir af erlendum kennurum skólans frá því á fyrra ári

Að sjálfsögðu verður gæsla allan tímann á Hóli. Innfalið í námskeiðisgjaldi, 20.000 kr., verður Knattspyrnuskólinn, hollur hádegismatur, fræðsla í næringarfræði, vallarnesti, gjöf frá Grétari Rafni, frítt í sund og frábærir dagar í Siglufirði.
Athygli er vakin á að Knattspyrnufélag Siglufjarðar ætlar að niðurgreiða skólann um  5.000 kr. fyrir hvert það barn sem æfir með félaginu og ætlar að taka þátt í Knattspyrnuskólanum.

Sú breyting verður á að í stað þess að þjálfarar velji krakka til að taka þátt í Grand Final skólanum, þá verður einn drengur valinn til reynslu með unglingaliði Bolton, sem sagt alvöru trial um atvinnumannasamning. Sama mun gilda fyrir stúlkuna sem verður valin nema hún fær vikudvöl hjá Stjörnunni í Garðabæ.

Skráning er hafin á heimasíðu Grétars Rafns:  http://gretarrafnsteinsson.com/  

þar mun vera hægt að finna allar upplýsingar. Einnig er komin síða á facebook:

http://www.facebook.com/home.php?#!/pages/Knattspyrnuskoli-Gretars-Rafns/117891764890629?ref=ts

Fréttatilkynning frá
Knattspyrnuskóla Grétars Rafns Steinssonar