Skemmtileg stund með Öllu Siggu.

Listakonan siglfirska Aðalheiður S Eysteinsdóttir er með mjög skemmtilega sýningu í Listasafni Reykjanesbæjar þessa dagana. Þar sýnir hún tréskúlptúra sína í nýrri framsetningu. Sýningin er sett fram eins og að gestirnir séu þátttakendur í þorrablóti með trékörlunum hennar.
Í gær var sérstakur dagur á sýningunni. Yfir sjötíu sýningargestir hlustuðu á lýsingar Öllu Siggu á hvernig hún hefur þróast sem listamaður. Skemmtilegar lýsingar hennar á hvernig fólkið á Hlíðarveginum hefði haft áhrif á hana og væru fyrirmynd í mörgum af verkum hennar. Einstaklega persónuleg og lifandi lýsing hjá þessum öfluga listamanni.



Við getum verið stolt af þessum verðuga fulltrúa okkar og bíðum spennt eftir að sjá afrakstur uppbyggingar hennar á listasetrinu í gamla Alþýðuhúsinu á Siglufirði.



Margir góðir gestir litu inn á sýninguna. Hér er Siglfirðingurinn Grímur Karlsson sem að þekktur er fyrir bátalíkön sín ásamt Steinunni R Árnadóttur og Öllu Siggu.