Undir ruslpóstinn ?

Í Fjarðarkjaftinum, grein í Hellunni sem út kom á dögunum fjallaði Sigríður Vigdís Vigfúsdóttir all ítarlega og röksamlega um hina nýju ruslatunnuvæðingu á Siglufirði.

Þar sem mikil áhersla var lögð á meðal annars hina miklu sjónmengun sem blasir við bæjarbúum sem sjá nánast allsstaðar oftar en ekki á áberandi stöðum ruslatunnusett, þrjár tunnur og stundum fleiri í röð.

Þessi grein Sigríðar hefur vakið mikla athygli og verið víða til umræðu á kaffistofum og á öðrum mannamótum.

Út frá því hafa verið sagðar margar kómískar sögur um þátttöku og ekki síður þáttökuleysi sumra íbúanna sem ekki eru sáttir við breytingarnar.

En þegar Pósthúsið fór að skarta sorptunnu við inngang Pósthússins á Siglufirði varð flestum orðfátt.

Sumir veltu því þó fyrir sér hvort svona mikill póstur utan opnunartíma bærist til Pósthússins, eða hvort þessi ruslagámur væri ef til vill fyrir ruslpóstinn.

Hvað sem því líður, þá eru allir sem ljósmyndarinn hefur heyrt tjá sig um þessa uppstillingu, þá væri þetta til háborinnar skammar fyrir stofnunina.
Dæmi svo hver sem vill.