Undirritun brunavarnaáætlunar Fjallabyggðar

Á myndinni eru Þórir Kr. Þórisson, bæjarstjóri Fjallabyggðar og Björn Karlsson, brunamálastjóri við undirritunina.

22. febrúar 2010 var undirrituð á skrifstofu Brunamálastofnunar brunavarnaráætlun fyrir starfssvæði slökkviliðs Fjallabyggðar. Áætlunina er undirrituð af þeim Þóri Kr. Þórissyni, bæjarstjóra Fjallabyggðar, Ámunda Gunnarssyni, slökkviliðsstjóra Fjallabyggðar og Birni Karlssyni, brunamálastjóra.

Brunavarnaáætlun leggur til upplýsingar um hvernig slökkviliðið er mannað, skipulagt, útbúið tækjum, menntað og þjálfað til að takast á við þau verkefni sem því eru falin í sveitarfélaginu. Upplýsingar sem eru nauðsynlegar fyrir þá sem bera ábyrgð á brunavörnum í sveitarfélaginu auk þess sem þær upplýsa íbúa um veitta þjónustu, skipulag slökkviliðsins og markmið með rekstri þess í sveitarfélaginu.