Allar innistæður KSÍ tryggar

Kreppan hefur ekki komið illa við Knattspyrnusamband Íslands enda voru sjóðir sambandsins á tryggum innistæðureikningum að sögn Þóris Hákonarsonar, framkvæmdastjóra KSÍ. Okkar peningar eru á reikningum og það hefur ekkert horfið á þeim. Það er allt í góðu lagi með þau mál, sagði Þórir en hann segir peninga KSÍ ekki hafa verið í neinum sjóðum sem hafi gufað upp. KSÍ hefur enn sem komið er ekki orðið fyrir neinu fjárhagslegu tjóni í kreppunni og ég hef ekkert fyrir mér í að það muni gerast, sagði Þórir en eigið fé KSÍ í lok síðasta árs var rúmlega 347 milljónir króna.