Björgvin Daði í 4. sæti á Íslandsmóti í frjálsum

Um síðustu helgi tóku 4 keppendur frá Glóa þátt í Íslandsmóti 11-14 ára í frjálsum sem fram fór í Reykjavík.  Björgvin Daði Sigurbergsson keppti í flokki 11 ára drengja og stóð sig feykilega vel.  Hann keppti í 5 greinum og náði best 4. sæti í 60 metra hlaupi á nýju aldursflokkameti hjá Glóa í 11-12 ára flokki 9,35 sekúndur, hann varð einnig 7. í 800m hlaupi og hástökki, 10. í kúluvarpi og 11. í langstökki.  Patrekur Þórarinsson og Sigtryggur Tristan Sigtryggsson kepptu í flokki 13 ára pilta og gekk ágætlega.


Patrekur bætti sig í þessum aldursflokki í þeim þrem greinum sem hann keppti í og náði best 15. sæti í kúluvarpi en Tristan náði ekki að bæta árangur sinn að þessu sinni.  Franzisca Dóra Úlfsdóttir keppti í flokki 13 ára stúlkna í fjórum greinum og bætti sig í þeim öllum, mest bætti hún sig í kúluvarpi og náði þar 14 sæti.

Björgvin Daði.


Franzisca Dóra.


Patrekur.


Tristan.