Flottur árangur á Stórmóti ÍR

Keppendur Glóa komu sko aldeilis ekki tómhentir heim af Stórmóti ÍR sem lauk í dag í Reykjavíkinni.  9 kependur fóru frá félaginu og tóku þátt í þessu fjölmenna og sterka móti.  Skráðir keppendur voru hvorki fleiri né færri en 640 frá helstu frjálsíþróttafélögum landsins, þar af voru um 120 af Norðurlandi.Í hverri grein voru keppendur 20-55 og var fjölmennast í yngri aldursflokkunum.  Keppendur Glóa komust í þrígang í verðlaunasæti; Salka Heimisdóttir vann bronsverðlaun í 60m grindahlaupi hjá 11 ára stúlkum, Jakob Snær Árnason vann einnig til bronsverðlauna það var í 800m hlaupi hjá 12 ára strákum og Björgvin Daði Sigurbergsson nældi sér í silfur í 800m hlaupi hjá 9-10 ára drengjum með æsilegum endaspretti. Guðrún Ósk Gestsdóttir náði frábærum árangri á mótinu því hún sigraði í langstökki, vann til bronsverðlauna í þrístökki og 60m grindahlaupi og varð 5. í 60m hlaupi í sínum flokki en Guðrún skipti um félag um áramótin og keppir nú fyrir UMSS, Ungmennasamband Skagafjarðar, en æfir með Glóa í vetur. Keppendur Glóa settu alls 11 aldursflokkamet hjá félaginu á Stórmóti ÍR um helgina.  Björgvin Daði, Jakob Snær og Torfi Sigurðarson settu allir 3 met hver, Arnar Þór Sverrisson eitt og Salka Heimisdóttir setti einnig eitt met.