Glói keppir á Íslandsmóti í frjálsum íþróttum

Á morgun hefst Íslandsmót 11-14 ára í frjálsum íþróttum fram í Reykjavík.  A.m.k. fjórir keppendur munu fara frá félaginu og taka þátt í þessu sterka móti.  Munu þau keppa bæði laugardag og sunnudag og verður spennandi að sjá hvaða árangrar nást og hvort einhver met falli í þetta sinn.
Iðkendur Glóa eiga nú rúmlega 70 árangra á Topp 100 listunum innanhúss yfir bestu árangra á landinu frá upphafi í hinum ýmsu greinum.  Flestir árangrar eru hjá 10 ára og yngri, eða um 38 talsins, en fæstir í flokki 13-14 ára en þar eru þeir aðeins 8.  Ekki er ólíklegt að einhverjir árangrar bætist þarna við á þeim mótum sem framundan eru hjá okkar fólki og eflaust munu einhverjir þeirra sem eiga þar þegar sæti hækka sig á listunum.