Kæru KS-ingar

Vetrarstarfi KS er nú að ljúka og í tilefni þess ætlum við að vera með smá „sprell“  á laugardaginn 16. maí fyrir þá krakka sem hafa verið að æfa í vetur.  Farið verður í leiki og kannski spilaður smá fótbolti á sparkvellinum.  Svo ætlum við að grilla pylsur.
3.-4. og 5. flokkur karla og kvenna eiga að mæta 13:30.  8.-7.- og 6. flokkarnir eiga að mæta 15:00.

Sumarstarfið

Í sumar hefur verið ákveðið að prófa nýtt fyrirkomulag hjá 5. og 6. flokki.
Æfingar hjá þessum flokkum verða alla virka daga frá 13:00-15:00.   7. og 8. flokkur verða frá 13:00-16:00 eins og undanfarin ár.  Allir þessar flokkar æfa saman og það verða fimm þjálfarar með allan hópinn. Þetta gefur þjálfurum marga möguleika og hver iðkandi fær æfingar og leiki við sitt hæfi. Fótbolti verður að sjálfsögðu í fyrsta sæti en það verður ýmislegt  annað í boði fram á Hóli. Ætlast er til að iðkendur komi með smá nesti með sér á æfingar.
Þetta fyrirkomulag hefst mánudaginn 15. júní og og því líkur föstudaginn 21. ágúst.  Engin sérstök skráning er, heldur er bara að mæta á staðinn.
7. og 8. flokkur hefur lokið æfingum í íþróttahúsinu og æfingar næstu fjórar vikurnar verða á sparkvellinum á sama tíma (mán 17:00 og mið 17:00).

Þjálfarar:

8.-5. flokkar:  Yfirþjálfari Ragnar Hauksson, Grétar Bragi, Svava Stefanía, Andri og einn í viðbót sem eftir á að ráða.   4. karla: Mark D, 4.-3. kvenna:  Róbert/Óskar , 3. karla:  Mark/Raggi.

Knattspyrnuskóli Grétars verður dagana 8.-12. júní og skráning fer fram á netinu á heimasíðu Grétars Rafns( gretarrafnsteinsson.com ) og verður skólagjaldið 15.000.- krónur, skráning hefst  um helgina. Ákveðið hefur verið að KS niðurgreiði þátttökugjaldið um 5.000.-krónur. Einnig hefur verið ákveðið að KS greiði  í sumar allan bensínkostnað vegna ferða á Íslandsmót og yngstu flokkarnir sem ekki keppa á Íslandsmóti fá niðurgreidd mótsgjöld. Þannig erum við að koma á móts við heimilin og vonandi að sem flest börn mæti til æfinga hjá KS.
Æfingagjald sumarsins er 20.000 fyrir alla flokka.          
Ef einhverjar vangaveltur eru þá er bara að heyra í stjórninni og við reynum að svara öllum fyrirspurnum af bestu getu.

Áfram KS.
Með fótboltakveðju, stjórn KS