KS/Leiftur 2-Víðir 2

Fyrsti heimaleikur meistaraflokks KS/Leifturs fór fram á Hólsvelli í dag. Eins og áður hefur komið fram átti að spila leikinn í Garðinum en svo á endanum var hann leikinn hér. Heimamenn skoruðu fljótlega í leiknum og var þar að verki Ragnar Hauksson. Eftir markið duttu okkar menn aftar á völlinn og Víðismenn komust meira inní leikinn.
Það fór svo að Víðismenn náðu að jafna fyrir leikhlé. Víðismenn héldu uppteknum hætti í byrjun seinni hálfleiks og uppskáru mark eftir fallegt samspil. Eftir markið vöknuðu okkar menn og sóttu stíft og Bjössi Habbós skoraði eftir laglegan skalla frá Ragnari Hauks. KS/Leiftur fengu nokkur dauðafæri til viðbótar en ekki vildi boltinn inn. 2-2 eru bara nokkuð sanngjörn úrslit en með betri nýtingu á dauðafærum hefðu stigin 3 verið okkar. Það vakti athygli áhorfanda að Víðir leik í KS búning en eitthvað ruglaðist búningataskan hjá þeim í undirbúningnum fyrir ferðina og eins og sönnum íþróttamönnum sæmir var þeim bara reddað búningum og stóðu þeir sig bara vel í rauðu.



Grétar og Kiddi þjarma að Víðismanni.



Stundum þarf að hreinsa frá.



Gamli karlinn stóð sig vel að vanda.



Mikil barátta í teignum.



Hrúturinn barðist allan tíman og skoraði eitt.