KS/Leiftur 3 – Afturelding 1

Glæsilegur fyrsti heimaleikur KS/Leifturs á Siglufjarðarvelli lauk með 3-1 sigri á Mosfellingunum í Aftureldingu.


Mikil stemmning var á leiknum og fjöldi fólks mætt til að hvetja liðið sitt áfram enda veðurblíðan með eindæmum góð. Leikurinn fór hægt af stað en á 23. mínútu lagði Þórður Birgis fyrsta markið fyrir KS/Leiftur. Raggi Hauks negldi síðan annað markið einungis 3 mínútum síðar eftir að markvörður Aftureldingar missti frá sér boltann. Arnór Snær minnkaði muninn fyrir Aftureldingu á 35 mínútu og var staðann í hálfleik því 2-1 fyrir KS/Leiftur.
Í síðari hálfleik lenti varnarmaður Aftureldingar í því óláni að missa boltann í eigið net og lauk leiknum því 3-1 fyrir KS/Leiftur.

Til hamingju með frábæran sigur.