Mikilvægur leikur

Mikill meðbyr er núna með liði KS/Leifturs, tveir sigrar í röð og gríðarlega mikilvægur leikur framundan. 

Á laugardaginn tekur liðið á móti Hvöt frá Blönduósi. Róbert Haraldsson nýr þjálfari KS/Leifturs þjálfaði lið Hvatar í tvö ár og tveir af núverandi leikmönnum liðsins léku þar á síðasta tímabili. Róbert ætti því að þekkja ágætlega til leikmanna Hvatar

Hvöt er einu stigi á undan liði KS/Leifturs í 4 sæti deildarinnar og er þetta því gríðarlega mikilvægur leikur auk þess sem að um nágrannaslag er að ræða.

Leikurinn er laugardaginn 3. júlí kl: 16:00 og fer hann fram á Siglufjarðarvelli. Að leik loknum taka strákarnir í 4. flokki á móti liði Hattar frá Egilstöðum og hefst sá leikur kl. 18:30.

Réttingaverkstæði Jóa býður á völlinn þannig að það er um að gera að fjölmenna  og styðja vel við bakið á strákunum.