Silfur og brons á Íslandsmóti í frjálsum

Þrír Siglfirskir unglingar tóku þátt í Íslandsmóti 15-22 ára í frjálsum íþróttum en mótið fór fram um síðustu helgi í Reykjavík. 

Þeir kepptu allir í nokkrum greinum í flokki 15-16 ára og náðu mjög góðum árangri.
Svava Stefanía Sævarsdóttir vann m.a. til silfurverðlauna í 1500 metra hlaupi, varð í 4. sæti í hástökki og því 5. bæði í 60 metra og 200 metra hlaupi.

Guðrún Ósk Gestsdóttir vann til bronsverðlauna í 800 metra hlaupi, varð 4. í 60 metra grindahlaupi og 5. í langstökki og Alexander Örn Kristjánsson, sem var að keppa á sínu fyrsta frjálsíþróttamóti, varð m.a. 8. í þrístökki og 11. í 60 metra hlaupi.