TBS fer á unglingamót TBA

Krakkarnir í TBS héldu síðdegis í gær á unglingamót TBA á Akureyri. María Jóhanns fer að venju fyrir hópnum og sagðist vera með um 30 keppendur í þetta skiptið. Keppt verður í einliða-, tvíliða- og tvenndarleik í aldursflokkunum U13, U15, U17 og U19.
Mikill hugur var í okkar krökkum er siglo.is hitti þau við rútuna í gær og voru nokkrir keppendur búnir að bóka verðlaun. María tók myndavélina með og ætlar að senda okkur myndir eftir mótið.