I
Komutími í hús er eftir klukkan 15:00 og brottför fyrir klukkan 13:00.
II
Við bókun skal greiða staðfestingargjald sem nemur 25% af heildar leiguverði. Ef leigutaki ákveður að afpanta húsnæði þá er staðfestingagjald ekki endurgreitt.
III
Þrífa skal vel húsnæðið fyrir brottför, þ.m.t. ísskáp, eldavél, ofn, salerni, ásamt því að skúra gólf. Loka skal gluggum og hurðum vandlega. Ef uppþvottavél er til staðar þarf hún að vera tóm við brottför. Rusl skal einnig losað og hent í sorptunnur. Nánar skal farið eftir fyrirmælum í húsreglum í hinu leigða húsi hvað varðar umgengni og frágang húss.
IV
Allt dýrahald er bannað í húsnæðinu nema að annað sé tekið fram.
V
Reykingar eru ekki leyfðar í húsnæðinu nema annað sé tekið fram.
VI
Leigutaki ber að skila leiguhúsnæði ásamt öllum fylgihlutum í sama ásigkomulagi og það var í við afhendingu. Leigutaki skal skila húsnæði frá sér hreinu. Valló bíður upp á hreingerningarþjónustu fyrir 15.000 kr. gjald. Ef leigutaki kýs að nýta sér hana þá skal það tilkynnt við bókun, eða eigi síður en viku fyrir komu í húsnæði. Ef leigutaki hefur ekki tilkynnt við bókun að hann óski eftir að húsið verði þrifið, en vanhöld eru samt sem áður á þrifum þá er leigutaki skuldbundinn til að greiða 20.000 kr. fyrir þrif.
VII
Leigutaki ber ábyrgð á húsnæðinu og öllum munum þess og tækjum og skuldbindur sig til að bæta tjón sem kann að verða af hans völdum eða þeirra sem dvelja á hans vegum í leiguhúsnæðinu á leigutíma.
VIII
Leigutaka er óheimilt að hafa í húsinu fleiri næturgesti en sem nemur fjölda gistirýma sem gefin eru upp í samningi/auglýsingu, auk þeirra dýna/bedda sem í húsnæðinu eru fyrir. Fleiri næturgestir en sem gefið hefur verið upp fyrir húsið er háð samþykki leigusala. Brot á þessari reglu getur þýtt brotvikningu úr húsi.
IX
Hvorki leigusali né Valló eru ábyrg fyrir hvarfi muna eða skaða á þeim sem leigutaki, eða aðili á hans vegum, geymdi í leiguhúsnæði.
X
Leigutaka er óheimilt að lána húsnæði eða framleigja það.
XI
Leigutaka er ekki heimilt að tjalda eða vera með fellhýsi á lóð hússins nema með samþykki leigusala.
XII
Húsið er leigt út með húsgögnum, eldhúsbúnaði og öðrum lausamunum.
XIII
Valló hefur til leigu eftirfarandi:
Ferðarúm fyrir ungabörn: 2.500 kr.
Matarstóll fyrir börn: 1.500 kr.
XIV
Afhending lykla af húsnæði fer fram eftir samkomulagi.
XV
Greiðsla fer fram með millifærslu.
Reikningsnúmer 565-14-404539 kt.640908-0680
Valló ehf.
Sími: 893-5059
Tölvupóstur: egillrogg@simnet.is
