Hvít nótt á Siglufirði

Franski ljómyndarinn Frédéric Leloup heldur ljósmyndasýningu í Gallery Gránu. Hann sýnir þar 16 ljósmyndir sem hann tók á Siglufirði á Þjóðlagahátíðinni í fyrra. Sýninguna nefnir hann "Hvít nótt á Siglufirði"
Frédéric er Parísarbúi og hefur fengist nokkuð við ljósmyndir en þetta mun vera fyrsta sýning hans. Hann var hér á Þjóðlagahátíðinni í fyrra og myndaði allt sem þar fór fram en myndirnar sem að hér eru til sýnis nú eru "miðnæturstemmningar" frá bryggjunum og gamla SR verksmiðjuhverfinu. Bæjarbúar eru hvattir til að skoða þessa ágætu sýningu en henni lýkur á sunnudag.