Menningarsjóður Sparisjóðsins Siglufjarðar
Úthlutað var í gærkvöldi kr. 1.250.000 úr Menningarsjóði Sparisjóðsins. Þetta er í níunda árið sem úthlutað er úr sjóðnum, en frá upphafi hefur verið úthlutað ríflega 20 milljónum á verðlagi dagsins í dag.
Upphaflega var sjóðurinn stofnaður með 15 milljóna framlagi frá Sparisjóði Mýrasýslu í tengslum við kaup Sparisjóðsins á öllu stofnfé heimamanna í Sparisjóði Siglufjarðar. Settar voru afar skýrar reglur um varðveislu Menningarsjóðsins, en stjórn sjóðsins er ekki heimilt að skerða upprunalegan höfuðstól að raungildi.Þetta leiddi til þess að stjórn sjóðsins hefur ávallt ávaxtað fjármunina á verðtryggðum reikningi í Sparisjóðnum og aldrei komið til tals að tefla þessum fjármunum í hættu með því að fjárfesta í einhverjum peningamarkaðssjóðum, sem margir velgjörðasjóðir fóru illa út úr í kreppunni. Nú er svo komið að í sjóðnum er ríflega 26 milljóna inneign.
Tekjur sjóðsins eru vextir og verðbætur, auk árlegs framlags frá Sparisjóðnum. Menningarsjóðurinn treystir því mjög á árlegt framlag Sparisjóðsins, sem var nú í ár kr. 750.000 en í fyrra var framlagið kr. 500.000.
Það er ljóst að margir treysta árlega á Menningarsjóðinn, sem hefur í gegnum tíðina styrkt mörg góð málefni og með því eflt menningar- og félagslíf á Siglufirði.
Úthlutunin í ár var eftirfarandi:
|
Úra- og gullsmíðasafnið |
Rekstur |
25.000 |
|
Hrönn Einarsdóttir |
Sýning á ljósmyndum |
25.000 |
|
Óskar Bragi Stefánsson |
Lag síldarævintýris |
50.000 |
|
Arnfinna Björnsdóttir |
Sýning á verkum á vinnustofu |
50.000 |
|
Slökkvilið Siglufjarðar |
Endurbætur á gamla slökkviliðsbílnum |
50.000 |
|
Constain Bors |
Sýning á tréskurðarmunum / námskeið |
50.000 |
|
Fríða Gylfadóttir |
Héðinsfjarðartrefillinn og Vinnustofa |
50.000 |
|
Þórarinn Hannesson |
Útgáfa ljóðabókar og geisladisks |
50.000 |
|
Sóknarnefnd Siglufjarðarkirkju |
Barna- og unglingastarf |
50.000 |
|
Sigurður Ægisson |
Siglfirdingur.is og ljósmyndasýning |
50.000 |
|
Síldarminjasafnið |
Útgáfa sögu fiskimjöls- og lýsisiðnaðar |
50.000 |
|
Ferðafélag Siglufjarðar |
Merking gönguleiða |
50.000 |
|
Systrafélag Siglufjarðarkirkju |
Endurbætur á Siglufjarðarkirkju |
75.000 |
|
Ljóðasetur Íslands |
Rekstur og uppbygging |
75.000 |
|
Þjóðlist |
Útgáfa þjóðlagakvers |
75.000 |
|
Siglufjarðarkirkja |
80 ára vígsluafmæli |
100.000 |
|
Þjóðlagahátíðin Siglufirði |
Þjóðlagahátíðin |
200.000 |
|
Herhúsfélagið |
Uppbygging á Gránufélagsverslunar |
200.000 |
|
1.250.000 |
Kvæðamannafélagið Ríma
Ólafur Jónsson sparisjóðsstjóri, Bogi Sigurbjörnsson og Guðrún Árnadóttir
Texti: Aðsendur
Myndir: GJS
Athugasemdir