Mynd vikunnar- HF Bakki
sksiglo.is | Almennt | 03.04.2011 | 08:00 | Helga Sigurbjörnsdóttir | Lestrar 412 | Athugasemdir (
Í Óskars sögu Halldórssonar segir að hann hafi saltað í Bakka til ársins 1934 og frá 1937 til 1941. Síðar saltaði Óskar einnig á Jarlsstöð.
Í bókinni segir: ,, Óskar reisti og rak lýsisbræðslu á Bakka og reisti þar frystihús og frysti síld til beitu. "
Bryggjurnar í Bakka skemmdust oft af brimi á vetrum en voru reistar aftur að vori.
Óskar Halldórsson, 23 ára búfræðingur, kom til Siglufjarðar 10. júní 1917. Þetta kemur fram í Vísi 6. september 1942 og Siglfirðingi 8. september 1944.
Sumarið 1917 fékkst Óskar við lifrarbræðslu en síðan varð hann umfangsmikill síldarsaltandi, bæði á Siglufirði og annars staðar, og er talinn fyrirmynd Íslandsbersa í Guðsgjafaþulu Halldórs Laxness.
Í ævisögu Óskars er hann sagður ,, tákngerfingur íslenska síldarævintýrisins. Hann var spekúlant spekúlantanna.
Heimild : Siglfirskur annáll eftir Þ. Ragnar Jónasson.
Ljósmyndur úr Ljósmyndasafni Siglufjarðar : S5-nn-001-001; G- 1882; G- 1854 ; 21-nn-0178-02
Athugasemdir