Ránfuglinn Smyrill

Sr. Sigurður Ægisson tók myndina hér til vinstri út um stofugluggann á Hvanneyri seinnipart dags 1. desember 2009.
Myndin sýnir ungan smyril gæða sér á svartþresti, einum af þremur sem hafa verið í fæði hjá honum það sem af er vetri. 
Smyrillinn er að stærstum hluta farfugl, en eftir að þrestir fór að hafa vetursetu á Íslandi í ríkari mæli en áður, vegna hlýnandi  veðurfars, hafa fleiri smyrlar orðið eftir líka. Það er eflaust skýringin á veru þessa glæsilega ránfugls í Siglufirði í byrjun  desember.