SÍLDARTORFA, nýtt listaverk við Síldarminjasafn
Margir hafa eflaust sé þetta par á ferli í bænum og núna síðustu daga á uppfyllingunni sunnan við bryggju Síldarminjasafnsins.
Þetta er Listaparið Jorel Heid og Alexandra Griess en þau hafa búið í Herhúsinu síðustu vikurnar og eru nú að leggja síðustu hönd á stórkostlegt listaverk sem þau nefna Síldartorfa og mikið rétt þetta lítur út eins og svífandi torfa og maður áttar sig ekki á hvað þetta er í raun.
En ef maður kemur nær þá sér maður að þetta eru 1000 venjulegir borðhnífar sem eru bundnir upp í nælonþræði.
Við keyptum alla hnífa sem voru til í Kaupfélaginu og síðan urðum við að fara til Akureyrar til að kaupa meira.
Verkið verður tilbúið nú í kvöld föstudag 24 júlí og mun standa hér yfir Síldarævintýri.
Sjón er sögu ríkari, komið endilega og sjáið þetta dásamlega verk.
Hér koma nokkra myndir.
Síldartorfa ( 1000 borðhnífar) Silfur hafsins
Skilti sem útskýrir verkið
Nærmynd af síldartorfu, allt speglast í hnífunum með sjóinn í bakgrunninum.
Alexandra Griess listakona segir sögu listaverksins
Myndir og texti:
Jón Ólafur Björgvinsson
Fréttasími: 842 - 0089
Athugasemdir