Gómarnir með tónleika í Bátahúsinu

Sönghópurinn Gómar er nú á lokasprettinum að undirbúa sig fyrir tónleika sem hópurinn verður með í Bátahúsinu sunnudaginn 29. apríl, en þá helgi stendur öldungamótið í blaki yfir í Fjallabyggð og á Dalvík.

Að þessu sinni verða siglfirsk dægurlög í forgrunni í bland við aðrar þekktar dægurperlur og að sjálfsögðu mun Sturlaugur sjá um undirleikinn með hljómsveit sinni.

Á dagskránni eru m.a. lögin Sem lindin tær, Kveiktu ljós, Bella María og Meiri bjór að ógleymdum lögum með karlakórnum Vísi og svo lög með Abba, Bay City Rollers, BG og Ingibjörgu, Hljómsveit Ingimars Eydal, Vilhjálmi Vilhjálmssyni og ýmsum fleiri.  Lofa hópurinnn góðri og fjörugri skemmtun.

Blm. leit inn á æfingu hjá hópnum í gær og smellti af nokkrum myndum

Sturlaugur Kristjánsson og Kristján Dúi Benediktsson

Texti: ÞH
Myndir: GJS