Theódór Júlíusson útnefndur heiðurslistamaður Kópavogs
Theódór Júlíusson Siglfirðingur og leikari var útnefndur heiðurslistamaður Kópavogs 11. mai sl.
Theódór Júlíusson (Svava Baldvinsdóttir & Júlíus Júlíusson) er fæddur 21. ágúst árið 1949 á Siglufirði, Konan hans Guðrún Stefánsdóttir (Hulda Stefánsdóttir & Stefán Guðmundsson) er einnig frá Siglufirði og eiga þau fjórar dætur og sjö barnabörn.
Theódór er með Diploma í leiklist frá The Drama Studio London. Hann hefur m.a. starfað hjá Leikfélagi Akureyrar og í Borgarleikhúsinu og leikið þar fjölda hlutverka.
Theódór hefur þrisvar verið tilnefndur til Grímuverðlauna fyrir hlutverk sín í Puntilla og Matta, Söngleiknum Ást og Fjölskyldunni.
Hann hefur leikið í ótal leikritum bæði í útvarpi og sjónvarpi sem og kvikmyndum eins og Englum alheimsins, Hafinu, Ikingút, Mýrinni, Sveitabrúðkaupi, Reykjavík-Rotterdam og Eldfjalli, en fyrir hlutverk sitt þar hlaut hann verðlaun sem besti leikarinn á kvikmyndahátíðinni Eurasia í Kazakstan og á kvikmyndahátíðinni í Sao Paulo.
Siglo.is óskar Theódóri innilega til hamingju með útnefninguna
heimildir fengnar hér
Athugasemdir