112 dagurinn á Siglufirði

Þann 11. febrúar var 112 dagurinn og af því tilefni var ýmislegt um að vera í Grunnskólanum á Siglufirði.  Slökkviliðsstjóri kom í heimsókn í bæði skólahús á körfubílnum og bauð öllum nemendum og starfsfólki í eina ferð í körfunni, sjúkrabíllinn var einnig til sýnis og eins komu fulltrúar frá björgunarsveitinni Strákum á tækjum sínum og sýndu börnunum. 

Fulltrúar Rauða krossins voru með fræðslu og hjúkrunarfræðingar fóru yfir það hvernig á að losa aðskotahlut úr hálsi auk þess að vera með almenna fræðslu.

 



Dagskrá dagsins var mjög vel heppnuð og kann skólafólk gestum dagsins bestu þakkir fyrir þeirra þátt.
þh