22:00 – Kaffi Rauðka – Blústónleikar með Lame Dudes

Hljómsveitin Lame Dudes hefur verið starfrækt í rúmlega 5 ár og hefur spilað á undanförnum Blúshátíðum Blúsfélags Reykjavíkur, á fjölmorgum Blúskvöldum á vegum Blúsfélags Reykjavíkur auk fjölda annarra tónleika á höfuðborgarsvæðinu auk nokkurra tónleika á landsbyggðinni.

Hljómsveitin hefur vakið athygli fyrir líflega framkomu á sviði og íslenska texta um fjölbreytt málefni. Sagt hefur verið að hljómsveitinni sé ekkert mannlegt óviðkomandi en textar fjalla um þekkt þemu blússins, ástvinamissi, skilnað, drykkju, erfiðleika í samskiptum kynjanna og fleira. Öll lögin utan 1 eru með íslenskum texta.

Lame Dudes hefur gefið út geisladiskinn "Hversdagsbláminn" þar sem hljómsveitin flytur fjölbreytt  blús og blússkotin lög við texta eftir Hannes Birgi Hjálmarsson auk lagsins Ómissandi fólk eftir Magnús Eiríksson.

Lame Dudes eru:
Hannes Birgir Hjálmarsson - söngur / gítar
Snorri Björn Arnarson - gítar
Jakob Viðar Guðmundsson - bassi
Niels Peter Scharff Johannsen - trommur
Kolbeinn Reginsson - gítar / bakraddir
Friðrik Jónsson - hljómborð í Saga af sambandsslitum úr Grafarvogi