70 ára jólatré

Hún Erla Svanbergs á merkileg jólatré, annað frá árinu 1938 og hitt frá 1964. Eldra jólatréið keypti Guðlaugur Gottskálksson árið 1938 er hann var í Reykjavík á leið á Thulemót á skíðum, en þá voru að koma aftur allskonar jólaskraut til landsins eftir kreppu.
Birgir Guðlaugsson heitinn og Erla eignuðust svo tréið, það hefur aldrei þurft að skipta um peru eða laga það í þessi 70 ár. Árið 1964 keypti Erla svo jólatré hjá Ásgeiri og Þórhalli í Verslunarfélagi Siglufjarðar á 600 kr. Hún segist hafa þurft að klípa af matarpeningunum til þess og varla þorað að segja Bigga frá því. Á því tréi er bara heimatilbúið skraut úr pappa sem fjölskyldan hefur útbúið.
Fleiri myndir  HÉR