,,Fjallabyggðarbræðingur"

Myndlistakonan Hrafnhildur Ýr Vilbertsdóttir mun ásamt Eiríksínu Ásgrímsdóttir vera með fjórar sýningar í tengslum við opnun Héðinsfjarðarganga sem saman mynda ,,Fjallabyggðarbræðing".

Fréttamaður kíkti á vinnustofu Hrafnhildar og forvitnaðist um ,,Fjallabyggðarbræðingin".



Hrafnhildur sem útskrifaðist úr Fagurlistadeild Myndlistaskóla Akureyrar árið 2009 hefur komið sér vel fyrir á Ólafsfirði og vinnur nú hörðum höndum að undirbúning sýningar vegna vígslu ganganna.

Hugmyndin hjá þeim stöllum er að bræða saman Video og málverk og fáum við að sjá útkomuna í Ráðhússal Siglufjarðar 2. október.

Hrafnhildur er að vinna útfrá fjöllunum sem umlykja bæjarhlutana, í dag skilja þau okkur að en með tilkomu ganganna munu þau sameina okkur í Fjallabyggð.

Pælingin er svo að steypa málverkunum og videoverkum saman í einn ,,Fjallabyggðarbræðing". Þetta eru spennandi pælingar hjá listamönnunum og gaman verður að sjá hvernig til tekst.

Í tengslum við ,,Fjallabyggðarbræðingin" verða einnig flutt Hljóðljóð og gjörningurinn ,,Fjöll" í Héðinsfirði við vígslu ganganna. Kórar og íbúar munu kalla upp örnefnin á svæðinu auk þess sem sungið verður.

Videoverki verður kastað upp á húsveggi opinberra bygginga á Siglufirði og í Ólafsfirði. Heimildamyndin ,, Fjörðurinn okkar" sýnd í sitthvorum bæjarkjarna.

Það verður semsagt nóg í boði fyrir menningarþyrsta þegar kemur að vígslu ganganna. Það eru spennandi tímar framundan og nóg verður að sjá og gera.