„Strætóferðir“ um Héðinsfjarðargöng

Sunnudaginn 26. apríl mun Fjallabyggð í samvinnu við Metrostav bjóða íbúum uppá
„strætóferðir“ á milli Siglufjarðar og Ólafsfjarðar í gegnum Héðinsfjarðargöng.
Farið verður á klst. fresti frá báðum stöðum.

Hægt verður að stoppa og fá sér kaffi, fara í sund eða heimsækja söfnin og taka annan „strætó“ heim.

Fyrsta ferð verður kl. 13:00 frá Torginu á Siglufirði og Tjarnarborg í Ólafsfirði, og sú síðasta kl. 17:00.