Alþjóðlega ofurtröllamótið í fjallaskíðum
sksiglo.is | Viðburðir | 18.04.2014 | 17:00 | Finnur Yngvi Kristinsson | Lestrar 598 | Athugasemdir (
Alþjóðlega Ofurtröllamótið, Super Troll Ski Race, verður haldið á Tröllaskaga á föstudaginn langa en þetta er fyrsta
fjallaskíðamótið sem haldið er hérlendis.
Skíðafélag Siglufjarðar Skíðaborg mun halda fyrsta fjallaskíðamót landsins föstudaginn langa, 18. apríl. Mótið hefst
í Fljótum og verður gengið frá Heljartröð yfir Siglufjarðarskarð í átt að Illviðrishnjúki, meðfram
skíðasvæðinu í Skarðsdal og niður til Siglufjarðar. Keppnisleiðin er krefjandi og því mikil ögrun fyrir þátttakendur.
Keppt verður í karla- og kvennaflokki. Þau sem sigra fá í verðlaun þyrluskíðun í boði Eleven Experience og Orra Vigfússonar
sem eru aðalbakhjarlar þessa móts.
„Ofurtröllamótið á Tröllaskaga verður alþjóðlegt og er tilgangur þess meðal annars að vekja athygli umheimsins á
líkamsrækt í náttúrulegu umhverfi og vetraríþróttum á Tröllaskaga, hreinleika svæðisins svo og sjálfbærni
í óspilltri náttúru. Loks er mótið haldið í fjáröflunarskyni fyrir Skíðafélag Siglufjarðar," segir í
tilkynningu.
Athugasemdir