Auglýsing tekin upp á Siglufirði.

Gamli tíminn

Siglo.is barst eftirfarandi bréf frá Sigurði Frey Björnssyni varðandi upptökur á auglýsingu fyri TM.

Kæru Siglfirðingar.

Dagana 21.-23. janúar næstkomandi verður Jónsson & Le'macks auglýsingastofa í kvikmyndatökum á Siglufirði fyrir TM – Tryggingamiðstöðina. Um er að ræða metnaðarfullt verkefni, sjónvarpsauglýsingu sem segir litla ástarsögu sem á sér stað í bænum á tímabilinu 1982-1992. Siglufjarðarbær verður í aðalhlutverki í þessari auglýsingu. Helst má þar nefna götur í miðbænum; Suðurgötuna, torgið við Aðalgötu/Gránugötu, Kirkjustíg, Eyrargötu og Snorragötu.

Þar sem auglýsingin gerist á 8. og 9. áratugnum mega ekki sjást nýlegir bílar í myndrammanum. Staðsetningarstjóri í þessu verkefni verður Gaukur Gunnarsson og mun hann hafa samband við einhverja íbúa í tilheyrandi götum vegna þessa.

 Við viljum þakka fyrir frábærar móttökur og samskipti við Siglfirðinga, við vonumst til að valda bæjarbúum sem allra minnstu ónæði og auglýsingin verði Siglufirði til sóma.

 Virðingarfyllst

Sigurður Freyr Björnsson

Framleiðslustjóri

siggifreyr@jl.is – 660 7662