Bæjarstjóri Fjallabyggðar styður samningaleiðina

Sautján bæjarstjórar um allt land, sem starfa fyrir ólíka meirihluta og í ólíkum samfélögum hafa sameinast um yfirlýsingu, þar sem þeir lýsa stuðningi við svonefnda samningaleið við stjórnun fiskveiða.


Samningaleiðin felur meðal annars í sér að hætt verði að úthluta veiðirétti til ótiltekins tíma og að greitt verði fyrir nýtingarréttinn, þannig að afraksturinn skili sér með beinum hætti til hins opinbera.

Bæjarstjórarnir telja að með þessu móti væri stórt skref stigið í átt að aukinni samfélagssátt og hvetja þeir stjórnvöld til að fara þessa leið og skapa ekki frekara óöryggi um grundvallar atvinnugrein þjóðarinnar.

Bæjarstjórarnir eru þeir:

Elliði Vignisson ( Vestmannaeyjum), Kristinn Jónasson ( Snæfellsbæ), Róbert Ragnarsson ( Grindavík), Eyrún Sigþórsson (Tálknafjarðarhreppur), Eiríkur Björn Björgvinsson ( Akureyri ),Guðný Sverrisdóttir ( Grýtubakkahreppur), Ólafur Hr. Sigurðsson ( Seyðisfirði), Hjalti Þór Vignisson ( Hornafirði) , Gunnólfur Lárusson ( Langanesbyggð ), Bergur Elías Ágústsson( Norðurþing ), Páll Björgvin Guðmundsson ( Fjarðarbyggð ), Eyþór Arnalds ( Árborg), Elías Jónatansson( Bolungarvík), Árni Sigfússon ( Reykjanesbæ) Ásmundur Friðriksson ( Garðinum), Sigurður Valur Ásbjarnarson( Fjallabyggð).