10.10.10. Bærinn fullur af fólki

Mikill fjöldi gesta hefur verið bænum alla helgina og nokkuð ljóst að göngin eru að trekkja að.

Umferðin í gegnum göngin var slík að það var nánast bíll við bíl allan daginn og gaman væri að vita hversu margir bílar hafa keyrt göngin frá því að þau voru opnuð.

Umferðin gekk vel fyrir sig en þó bárust fregnir af umferðartöfum í Múlagöngum sem koma til með að vera flöskuháls þegar umferðin er svona mikil.

Það hefur ekki gefist mikill tími fyrir einhverja spaugara að apa eftir atriði Spaugstofunnar og skella sér í keilu á lengstu keilubraut í heimi.

En þannig sáu þeir spaugstofufélagar Héðinsfjarðargöngin fyrir sér í þætti sínum.

Brjálað var að gera á þeim veitingastöðum sem voru opnir og var aðsóknin að Síldarminjasafninu eins og best gerist að sumri til.

Það var alveg magnað að rölta um bæinn og fylgjast með mannlífinu.



Hvert sem litið var mátti sjá fólk á ferli.


framkvæmdirnar við smábátahöfnina vöktu mikla athygli.



Veðrið var enn einn daginn í hátíðarskapi og röltii fólk um í góða veðrinu,



Fólk kom í bæinn á ýmiskonar farartækjum og mátti m.a. sjá nokkra leigubíla sem fram að opnun Héðinsfjarðarganga voru ekki algeng sjón.



Abbý hafði í nógu að snúast og tók á móti miklum fjölda fólks á vinnustofu sinni. Hún hafði ekki tölu á því hversu margar kaffikönnur hún hafði hellt upp á og allir fengu kökusneið - Algjör bæjargersemi hún Abbý.