Frásögn frá Þorskastríðinu 1976

Flestir þekkja manninn og eða hafa heyrt af honum Jóni Steinar, sem á hús á Siglufirði og dvalið hér við vinnu í rúmt ár hjá Rauðku ehf. við hönnun og fleira

Þetta er athygliverður karakter, vinalegur og skrafhreifinn við þá sem hann þekkir.

Það hefur margt á daga hans drifið um ævina og frásögn hans er hnitmiðuð og óvægin, hvort heldur hann er að lýsa sjálfum sér eða öðrum og hikar ekki við að láta skoðanir sínar í ljós.

Hann er einnig orðheppinn, hér er ein af mörgum tilvitnunum hans “beint frá hjartanu:
”“Vinstrimennska í dag er hjákátlegt framapot rómantískra náttúrudýrkenda.”

Það er vel þess virði fyrir þá sem sækjast eftir fróðleik að skreppa á síðu hans og lesa hið fjölbreytta efni sem frá honum hefur komið.

Undirritaður hefur nokkrum sinnum skroppið til að slappa af yfir skrifum hans og haft ánægju af, enda efnið hreinn fjársjóður af öllu tagi, allt frá vangaveltum, hugdettum og frásögnum af atbuðum úr lífi hans.

Ein af athygliverðari frásögnum hans er af veru hans á varðskipinu Tý, þá sem unglingur.

Frásögn sem er alls ólík því sem einhver “sagnfræðingur” lét frá sér fara í bókaformi, frásögn sem að mestu hafði verið unnin frá síðum dagblaðanna, sem og oft voru mjög fjarri lagi, miðað við frásögn Jóns.

Smellið fyrst á efri tengilinn til að lesa fyrripart þessarar frásagnar hans frá veru hans á varðskipinu Týr í Þorskastríðinu – og síðan á neðri tengilinn, sem hýsir seinni hlutann.

1.  http://prakkarinn.blog.is/blog/prakkarinn/entry/149418/

2.  http://prakkarinn.blog.is/blog/prakkarinn/entry/150156/

SK
Hér fyrir neðan er frétt úr Morgunblaðinu, tengt frásögn Jóns