Brúðkaup með aðstoð dróna
Haldið var brúðkaup laugardaginn 25. júlí á Bjarnatorgi fyrir framan Siglufjarðarkirkju og er það fyrsta brúðkaupið sem farið hefur fram þar.
Gefin voru saman af séra Sigurði Ægissyni brúðhjónin Aron Guðnason tannlæknir ættaður héðan frá Siglufirði ( sonur Guðna Sigtryggssonar ) og Harpa Hauksdóttir ættuð frá Stíflu í Fljótum. Eru þau búsett á Akureyri en Aron er starfandi tannlæknir hér á Siglufirði
Með þeim voru þrjár dætur þeirra brúðhjóna og fjöldi gesta sem samfögnuðu með þeim við þessa fallegu athöfn við minnismerki Séra Bjarna Þorsteinssonar.
það óvanalega við þetta brúðkaup var að í miðri athöfn flaug dróni yfir höfuð gestanna með hringa brúðhjónanna í fjólubláum poka. Greip brúðurin hringana öruggum höndum er dróninn sveimaði yfir höfði þeirra Arons og Hörpu.
Siglo.is óskar þeim hjónum, dætrum og fjölskyldum hjartanlega til hamingju með brúðkaupið.
Sjá umfjöllun á Mbl.is
Brúðguminn Aron Guðnason bíður eftir brúðinni
Gullfalleg brúður
Einstök umgjörð
Dróninn kemur svífandi með giftingarhringina i fjólubláum poka.
Brúðurin grípur pokann öruggum höndum
Fjöldi gesta samfagnaði með þeim brúðhjónum. Hér eru þau Arndís og Freyr sem gengu í það heilaga fyrir akkúrat mánuði síðan þann 25. Júní 2015
Séra Sigurður Ægisson sóknarprestur á Siglufirði gaf brúðhjónin saman við fallega athöfn
Texti: Kristín Sigurjónsdóttir
Myndir: Kristín Sigurjónsdóttir
Athugasemdir