Byrjað að bora eftir heitu vatni

Starfsmenn Jarðborana hf eru byrjaðir að bora eftir heitu vatni í Skarðsdalnum. Búið er að undirbúa framkvæmdina vel og voru boraðar rannsóknarholur skammt neðan við skíðaskálann í um 200 m hæð yfir sjávarmáli.

Í gær hófst svo vinna á 1000 m lóðréttri vinnsluholu og stefnan tekin á heita vatnsæð sem er á svæðinu.

Starfsmenn Jarðborana hf áætla að verkið taki um mánuð. Rannsóknir þeirra benda til þess að það sé heit vatnsæð á svæðinu og eru menn vongóðir um að hitta á hana.

Það þarf sjálfsagt ekkert að upplýsa Siglfirðinga um mikilvægi þess að heitt vatn finnist enda er það af skornum skammti og verðum við illilega vör við það þegar vetra tekur.



Starfsmenn voru að fóðra holuna þegar fréttamann bar að garði.  Boranir eru svo sendir niður, en þá má sjá á myndinn hér að ofan.

Það verður spennandi að fylgjast með framhaldinu og vonandi að vel takist til og nægilegt magn af heitu vatni finnist.