ÉG um MIG frá MÉR til ÞÍN

Vinkonurnar Kristín og Vilborg

ÉG um MIG frá MÉR til ÞÍN er samsýning vinkvennanna, Kristínar Sigurjónsdóttur og Vilborgar Traustadóttur (Ippu frá Sauðarnesi)

Sýningin opnar í Bláa Húsinu við Rauðkutorg á Siglufirði föstudaginn 5. ágúst kl. 13.00 og stendur til sunnudagsins 7. ágúst kl. 17.00.
Öll verk á sýningunni verða til sölu.

Þær vinkonurnar hafa fengist við listsköpun undanfarin ár. Kristín með myndavélina að vopni og Vilborg með pensilinn á lofti. 

Olía á striga: Vilborg Traustadóttir (Ippa)

Þær stöllur hafa brallað margt saman í gegn um árin með misgóðum árangri enda hafa þær verið bestu vinkonur frá unglingsaldri.
Þegar þeim datt það snjallræði í hug að sýna verkin sín saman, varð ekki aftur snúið. Vilborg (Ippa) hefur málað nokkur verk eftir ljósmyndum Kristínar, nokkrum ljósmyndum, pensilförum og hláturgusum síðar liggur afraksturinn fyrir.
Vilborg sýnir einnig grafíkverk sín.

Ljósmynd: Kristín Sigurjónsdóttir

Texti: Kristín Sigurjónsdóttir
Myndir: Kristín Sigurjónsdóttir og Vilborg Traustadóttir