Fengsæll staður

Sandfjaran í Hvanneyrarkrók á Siglufirði hefur lengi verið aðdráttarafl, jafnt ungra sem gamalla í gegn um árin. Þarna hafa farið fram ýmsir leikir í fjörunni, allt frá einföldum „parís“ til „slábolta“.

Einnig hefur fjaran verið bæjarfélaginu mjög gjöful sem sandnáma, og nú síðustu daga hafa Háfellsmenn, verktakar við Héðinsfjarðargöng látið „greypar sópa“ í fjörunni í góðum skilningi, til nota sem undirlegg ofl. vegna lagna í Héðinsfjarðargöngum.

Þessi mynd var tekin í dag er grafa var við vinnu að hreinsa þara ofl. á meðan beðið var eftir næsta bíl.