Flottur sigur hjá stelpunum

Stelpurnar í 4. flokki KS/Leifturs tryggðu sér sæti í úrslitum Íslandsmótins með glæstum sigri á Völsungi.

Stúlkurnar unnu sannfærandi sigur á Völsungi 7-2 á Hólsvelli í gærkvöldi. Með þessum sigri unnu stúlkurnar sér rétt til þess að leika í úrslitakeppni Íslandsmótsins.

Liðsheild stúlknanna var frábær í þessum leik en að öðrum ólöstuðum má segja að varnarjaxlinn Helga Eir hafi verið maður leiksins.

Stúlkurnar okkar eru búnar að gera það gott í sumar og er skemmst að minnast vel heppnaðari ferð þeirra  á Gothiacup fyrrí sumar, þar sem leikið var um sæti í 8 liða úrslitum.