Frábær dagur framundan í Skarðsdalnum

 Skíðasvæðið verður opið í dag frá kl 10-16, veður og færi er frábært í einu orði sagt, nánast logn, nýr snjór yfir öllu og hægt að púðra út um allt fjall, nú er um að gera að drífa sig í fjallið og njóta dagsins.

Svæðið er búið að vera opið í 51 dag frá 5. des og takið eftir að við erum ekki að framleiða snjó, þú skíðagestur góður ert að skíða á náttúrulegum snjó í Siglfirsku ölpunum, gestir á svæðinu í gær voru 370 manns, og gestir í þessari viku sem er að líða eru tæplega 700. 

Velkomin í fjallið við tökum vel á móti þér, starfsmenn.