Fréttatilkynning frá AFL sparisjóði

Vegna fréttar DV um meintan fjárskort sparisjóðsins vill sjóðurinn koma eftirfarandi á framfæri. AFL sparisjóður mun eftir sem áður þjónusta viðskiptavini sína af fremsta megni.

Það er alkunna að þegar um er að ræða stórar úttektir í reiðufé í bankaviðskiptum, þá þarf að óska eftir slíku með fyrirvara. Arion banki tilkynnti á föstudaginn var um samrunaferli sjóðsins og hluti þess ferils er að bankinn mun standa þétt við bakið á sjóðnum á meðan því stendur. Viðskiptavinir þurfa því hvorki að óttast um innistæður sínar né lausafjárþurrð.