Geggjaður dansleikur

Að lokinni trúbadoraveislunni var blásið til dansleiks þar sem saman komu flytjendur kvöldsins ásamt Sturlaugi Kristjáns og Kidda Kristjáns, sannkallað stórband, sem fékk nafnið Skyggni ágætt í auglýsingum.  Við byrjuðum að spila á miðnætti og lékum til 3.30 svo til linnulaust.  Það fjölgaði töluvert í salnum þegar leið á nóttina og vel á annað hundrað manns var í húsinu og allir í hörku stuði.  Við sem vorum á sviðinu skemmtum okkur ekki síður vel og renndum í hvert lagið af öðru, við fluttum um 40 lög en vorum búnir að æfa 10 !!  Þetta var alveg geggjað og maður var hálf lerkaður þegar maður vaknaði í morgun enda langt síðan maður hefur leikið á svona alvöru dansleik.