Á Vatnsenda

Í síðastliðinni viku gáfu Halldóra Ósk Helgadóttir og Baldvin Snær Hlynsson út íslenska dægurlagaplötu.

Halldóra Ósk er barnabarn Höddu og Hannesar, nánar tiltekið dóttir Helga Kristins Hannessonar og Huldu Þráinsdóttur. Platan ber nafnið Á Vatnsenda og hefur að geyma nokkra helstu smelli síðustu áratuga í silkimjúkum djassflutningi, einn þeirra er fluttur í dúett af Halldóru Ósk og Ragnari Bjarnasyni.

Halldóra Ósk og Baldvin Snær gerðu plötuna í þeim tilgangi að safna fyrir tónlistarnámi, en Halldóra stundar klassískt söngnám við Söngskólann í Reykjavík og Baldvin jazznám í FÍH á píanó.  Þau sameinuðu krafta sína síðastliðið sumar þar sem þau fóru á vegum skapandi sumarstarfa í kópavogi á milli stofnanna og fluttu íslensk dægur- og þjóðlög.

Í miðju ferli ákvaðu þau að safna afrekstrinum saman í þessa hugljúfu plötu sem nú er komin út. Platan kostar 2500 kr stykkið og verður seld í Aðalbakaríi á Siglufirði – besta bakaríi á landinu.