Ófyndinn afréttari

Árshátíð stjórnarráðsins var haldinn á föstudaginn í skugga nýlegra stjórnarskipta. Fólki var víst nefnilega enn í fersku minni fjörið frá því í fyrra þegar hinn söngelski formaður Sjálfstæðisflokksins réð ríkjum í stjórnarráðinu.Þá ávarpaði Þorgerður Katrín Gunnarsdóttir, varaformaður Geirs Haarde samkomuna, og reytti af sér brandarana sem sumir þóttu býsna klúrir en féllu engu að síður í frjóan jarðveg. Flugufótur virðist hafa verið fyrir áhyggjum áhangenda Haarde þar sem nú kom í hlut samgönguráðherrans, Kristjáns Möller, að ávarpa samkomuna og var það mál manna að hann hafi verið svo ófyndinn að það hreinlega rann af einhverjum og enn fleiri duttu úr gleðigírnum.