Líklegt má telja að eignatjón verði mikið
Gríðarlegur vatnsagi er um allan bæ um þessar mundir en úrhelli síðustu daga hefur sett af stað flóð á að minsta kosti þremur stöðum á Siglufirði.
Mesta tjónið er af völdum Hvanneyrará en hún hefur vaxið til muna og ræður farvegur hennar engan veginn við þann vatnsaga sem kemur nú úr skálinni. Hefur hún nú rofoið Hólaveg og flæðir yfir allan Fossveg niður að sjúkrahúsi en þar hefur hún fyllt bílastæðið og myndað foss fram af veggnum. Áin flæðir þaðan yfir alla eyrina og veldur þar miklum ösla og má ætla að eignatjón sé mikið þar af hennar völdum.
Björgunarsveit og bæjarstarfsmenn vinna nú hörðum höndum að því að dæla úr kjallörum einhverra húsa og reyna að koma í veg fyrir frekara tjón en erfitt getur verið að ráða við mátt náttúrunnar.
Á Suðurgötu er einnig gríðarlegt flóð þar sem lækurinn hefur farið úr sínum farveg og flæðir beint yfir garðana í kring. Mikill foss gusast úr allnokkrum görðum í suðurbænum en mesti vatnsaginn er þó á suðurgötunni þar sem hann eltir götuna niður.
Litli lækurinn og fallega tjörnin við Stóra Bola er nú brún af eyr og drullu og hefur flætt yfir bakka sína líkt og aðrar sprænur á svæðinu. Er nú spurning hvort vegurinn haldi en nú fossar fram af honum hinumegin.
Víða flæðir uppúr ræsum sem ekki hafa undan vatnsflauminum.
Hvanneyrará hefur rofið Hólaveg með miklum krafti.
Hvanneyará hefur fundið sér nýjan farveg eftir Túngötu þar sem hún flæðir uppað húsum og ofan í kjallara með tilheyarndi tjóni.
Á eyrinni nær vatnið víða uppá miðjar hjólskár jeppa.
Hvanneyará flýtur niður að Fossvegi.
Athugasemdir