Réttardagur

Réttað var í Holtsrétt í Fljótunum í gær. Margir lögðu leið sína í réttina til að fylgjast með og hjálpa heimamönnum að draga sauðféð í dilka.



Kindurnar koma margar hverjar feitar af fjalli eftir sumarið en það var þó að heyra á nokkrum að lömbin hefðu mátt skila sér í betra ásigkomulagi.

Það vantaði enn töluvert upp á þegar fréttamann bar að garði enda gekk erfiðlega að smala féinu í þokunni.

Það var að sjálfsögðu mikið fjör sem fylgdi réttardeginum og var ekki annað að sjá en að ungir jafnt sem aldnir hefðu skemmt sér konunglega.

Seinna um kvöldið var svo slegið upp alvöru sveitaballi þar sem sjálfur konungur Skagfirsku sveiflunnar, Geirmundur Valtýsson steig á stokk.

Réttað er í fjölmörgum réttum þessa helgina víða um land.



Þetta fór allt saman fram samkvæmt settum reglum og hefðum



Það mátti vart sjá hvor hefði betur í þessari glímu.



Unga kynslóðin lét sig ekki vanta, þessir félagar reyndu sig í steinaburði og sýndu góða takta.



Jafnt ungir sem aldnir mættu á réttardag, sumir voru þó áhugasamari en aðrir.



Þessar kindur voru ekkert að spá í fjörinu í Fljótunum og gæddu sér á Siglfirskri lúpínu.