Stofnun Handknattleiksdeildar á Siglufirði

Handknattleiksáhugamenn á Siglufirði hafa undanfarin ár tekið þátt í bikarkeppni HSÍ og hefur það ávalt verið til gamans gert, en þó með undirliggjandi alvöru og metnaði til þess að standa sig.

Liðið er aftur skráð til leiks þetta árið, en nú á að stíga skrefinu lengra og er búið að skrá liðið í Norðurlandsriðil utandeildarinnar.


Það er allt útlit fyrir flotta keppni í Norðurlandsriðlinum en skráð eru til leiks fimm lið : Siglufjörður, Hamrar frá Akureyri, Höttur, Laugar og Völsungur.

Siglfirðingar mega því eiga von á handknattleiksveislu í vetur.

Það hefur því verið ákveðið aðstofna Handknattleiksdeild og verður stofnfundur haldin á skrifstofu KS, fimmtudaginn næstkomandi kl 18:00.

Allir þeir sem hafa áhuga að taka þátt eru hvattir til þess að mæta.