Stór dagur í dag fyrir landsmenn alla

Í dag klukkan nákvæmlega 10-27-21 hrópaði ráðherrann eftir niðurtalningu með flestum viðstöddum; “og nú” og þrýsti á hnappinn og við drundu nokkrar sprengingar er síðasta haftið á milli Siglufjarðar og Ólafsfjarðar var rofið í Héðinsfjarðargöngum. SkSigló var auðvitað á staðnum og tók góðan slatta af myndum, sem verða þó að bíða betri tíma til birtingar.

SKSigló fer í dag í fylgd verktaka í gegnum göngin til Ólafsfjarðar, til veislu til heiðurs starfsmönnum við gangagerðina, veislu sem þar er haldin klukkan  16:00 í Tjarnarborg í Ólafsfirði.