Fréttir af Guðrúnu Ósk Gestsdóttur frjálsíþróttakonu

Guðrúnu Ósk hefur gengið mjög vel á tveimur síðustu mótum, en nú um helgina var hún á keppa á MÍ 15 -22 ára og var í 3. sæti í langstökki og bætti sig þar eða stökk 5.09 m, 3. sæti í 60 m. grind og í 5. sæti í 60 m. hlaupi. Það voru um 20 keppendur sem hún var að keppa við, svo hún er að standa sig frábærlega á þessum mótum.



Þjálfarinn hennar er mjög ánægður með hana þar sem hún hefur ekki getað mætt á allar æfingar á Sauðárkróki en hefur verið dugleg á brettinu í ræktinni að taka spretti og fl., en þar fylgir hún ákveðnu prógrammi og er stöðugt að bæta sig.

Um þar síðustu helgi var hún á stórmóti ÍR og þar varð hún í 2. sæti í 400 m. og 3. sæti í 60 m. grind. Næstu þrjár helgar eru mót hjá Guðrúnu Ósk svo það verður nóg að gera hjá henni á næstunni.