Leikskólabörn blótuðu þorra

Krakkarnir á leikskólanum Leikskálum eru aldeilis ekki matvandir, og hámuðu í sig hákarl og annan þorramat úr trogum í hádeginu síðastliðinn föstudag.
Á leikskólanum eru 48 krakkar og er yngsta barnið aðeins 11 mánaða.
Það var ekki annað að sjá en að börnin skemmtu sér konunglega, er ljósmyndara siglo.is bar að garði. Sum börnin voru með fallega víkingahatta, sem þau höfðu sjálf búið til. Fleiri myndir HÉR.